ජල සම්පාදන අමාත්‍යවරයා වශයෙන් අමාත්‍ය කෙහෙලිය රඹුක්වැල්ල මහතා අද (මැයි 24) දින බත්තරමුල්ල, පැලවත්ත ජල සම්පාදන අමාත්‍යාංශයේදී සිය රාජකාරී කටයුතු ආරම්භ කරන ලදී.

ජල සම්පාදන අමාත්‍යංශයේ ප්‍රධානතම ව්‍යාපෘතිය වන වර්ෂ 2025 දී සැමට පිරිසිදු පානීය ජලය ලබා දීමේ වැඩ පිළිවෙල ඉදිරියට ගෙන යමින් එම ඉලක්කය සපුරා ගැනීම තම අරමුණ බව පැවසූ නව අමාත්‍යතුමන් කුමන බාධක ගැටලු හමුවේ වුවද මහජනතාවට පිරිසිදු පානීය ජලය ලබාදීම අඛණ්ඩව සිදු කිරීමට අමාත්‍යංශය යටතේ ඇති සියලු ආයතන හා එක්ව සියලු දෙනාගේම සහයෝගය, උනන්දුව සහ කැපවීම මත කටයුතු කරන බවද කියා සිටියේය.

ජල සම්පාදන රාජ්‍ය අමාත්‍යංශයේ  ලේකම් ඩබ්.එච්.කරුණාරත්න, අතිරේක ලේකම්වරුන් වන පී.හේවගේ, ඒ.සී.එම්. නෆීල්, එච්.සී.ජේ.තිලකරත්න, ජල සම්පාදන මණ්ඩලයේ සභාපති නිශාන්ත රණතුංග, ජාතික ප්‍රජා ජල සැපයුම් දෙපාර්තමේන්තුවේ අධ්‍යක්ෂ ජනරාල් ජයතිලක හේරත් ඇතුලු අමාත්‍යංශ නිළධාරීන් මෙම අවස්ථාවට එක්විය.

 
Write comment (0 Comments)

මෙම අවස්ථාවට ජාතික ජල සම්පාදන හා ජලාපවහන මණ්ඩලයේ සාමාන්‍යාධිකාරීතුමා තිළිණ එස්. විජේතුංග, නියෝජ්‍ය සාමාන්‍යාධිකාරී (වාණිජ) ජී.ඒ. පියල් පත්මනාත සහ පුද්ගලයන් ලියාපදිංචි කිරීමේ දෙපාර්තමේන්තුවේ ජ්‍යෙෂ්ඨ නිළධාරීන් රැසක් ද එක්වීය.

මින් ඉදිරියට ජල බිල්පතෙහි ගිණුම් අංකය තමා සන්තකයෙහි නොමැති අවස්ථාවක දී ජාතික හැඳුනුම්පත් අංකය ඉදිරිපත් කිරීමෙන් ජල සම්පාදන පාරිභෝගිකයින්ට මණ්ඩලයේ ඕනෑම සේවාවක් පහසුවෙන් ඉෂ්ට කර ගත හැකි වීම මෙහි විශේෂත්වයයි.

 

8T8A0736.jpg
 
   
   

 

 

 

 

Write comment (0 Comments)

Click here for the vedio......

Write comment (0 Comments)

ජාතික ජල සම්පාදන හා ජලාපවහන මණ්ඩලය මගින් ලබාදෙන ජල සම්බන්ධතා වෙනුවෙන් සවි කරනු ලබන ජල මනු (ජල මීටර්) මින් ඉදිරියට ජල සම්පාදන මණ්ඩලයේ නඩත්තු සහ කාර්මික ඒකකය මගින් නිෂ්පාදනය කිරීමට කටයුතු කරන ලෙස ජල සම්පාදන අමාත්‍ය වාසුදේව නානායක්කාර මහතා ජල සම්පාදන මණ්ඩලය වෙත උපදෙස් ලබා දී ඇත.

ජාතික ජල සම්පාදන හා ජලාපවහන මණ්ඩලයේ රත්මලාන මධ්‍යම යන්ත්‍රාගාරයේ නිරීක්ෂණ චාරිකාවකට එක්වෙමින් ජල සම්පාදන අමාත්‍ය වාසුදේව නානායක්කාර මහතා මෙම උපදෙස් ලබා දෙන ලදී.

සාමාන්‍ය නිවෙස් හා ආයතන වෙත ලබාදී ඇති ජල මනු (ජල මීටර්) ලක්ෂයකට ආසන්න ප්‍රමාණයක් බොහෝවිට එක් වසරකදී අක්‍රිය තත්වයට සහ විවිධ හේතූන් නිසා හානි වන අවස්ථා දැකගත හැකි වේ.

මෙවන් අවස්ථාවන් හිදී මෙම ජල මනු නැවත නිසි පරිදි අලුත් වැඩියා කිරීමට හැකියාව තිබියදීත් විදේශයන් මගින් ආනයනය කරන නව ජල මනුව සවිකිරීම බොහෝ විට සිදු කෙරේ.

මෙම තත්ත්වය වහාම නතර කරන ලෙසත් අවශ්‍ය උපාංග හැකිතරම් දේශිය වශයෙන් සපයාගෙන අපගේ කාර්මික ශිල්පීන් ලවා අලුත් වැඩියා කර භාවිතයට යොදවා ගන්නා ලෙසට අමාත්‍යතුමා දැනුම් දී සිටියේ ය.

මේ සම්බන්ධයෙන් කාර්මික ශිල්පීන් දැඩි සතුටකට සහ ඔවුන්ගේ ප්‍රසාදය ඉහළින්ම පළ කර අතර මෙසේ හැකියාව තිබියදීත් අපගේ විදේශ විනිමය වැය කරමින් මෙසේ නව ජල මනු ආනයනය කිරීම  අපරාධයක් බව ද කියා සිටියේය.

ඉදිරියේදී නව ජල මනු ද ශ්‍රී ලංකාව තුලම නිෂ්පාදනය කිරීමේ හැකියාව පිළිබඳව සොයා බලන ලෙසට ද අමාත්‍යතුමන් අදාල බලධාරීන් වෙත උපදෙස් ලබා දෙන ලදී.

ජල සම්පාදන අමාත්‍යතුමාගේ මාධ්‍ය ලේකම් කේ.එච්. සංජීව ධම්මික, ජල සම්පාදන හා ජලාපවහන මණ්ඩලයේ කාර්මික හා ඉංජිනේරු අංශයේ අතිරේක සාමාන්‍යධිකාරී එස්.ජි.ජි. රාජ්කුමාර්, නියෝජ්‍ය සාමාන්‍යධිකාරී ටි.එම්.ඩබ්ලිව්. සුනිල් බණ්ඩාර, සහකාර සාමාන්‍යධිකාරී ඊ.එම්.කේ. ඒකනායක යන නිලධාරීන් ඇතුලු වෘත්තීය සිමිති නියෝජිතයින් මෙම අවස්ථාවට සහභාගී විය.

 



 

Write comment (0 Comments)

Write comment (0 Comments)