දිවයිනේ දැනට පවතින අධික වියලි කාලගුණික තත්වය හේතුවෙන් ජල මූලාශ්‍රයන්හි සහ ප්‍රධාන ජලාශයන්හි ජල මට්ටම් පහල බැස ඇති අතර ජනතාවගේ ජල පරිභෝජනය ද ඉතා ඉහල මට්ටමක පවතී. මේ හේතුව නිසා පානීය ජල සැපයුම සීමාසහිත වන බැවින් මේ අවස්ථාවේදී ජලය අරපිරිමැස්මෙන් යුතුව පාවිච්චියට ගන්නා ලෙස ජාතික ජල සම්පාදන හා ජලාපවහන මණ්ඩලය මහජනතාවගෙන් ඉල්ලීමක් කර සිටී.

මේ සම්බන්ධයෙන් ජාතික ජල සම්පාදන හා ජලාපවහන මණ්ඩලයේ සාමාන්‍යධිකාරී ඉංජිනේරු තිළිණ එස්. විජේතුංග මහතා නිවේදනයක් නිකුත් කරමින් දන්වා සිටින්නේ,

මෙම අවස්ථාවේ පානීය ජල සැපයුම සීමාසහිත වන බැවින් එය සියලු දෙනාටම සමසේ බෙදා හැරිය යුතු හෙයින් වාහන සේදීම, ගෙවතු වගාව සහ බෝග වගාවන් ඇතුලු අත්‍යාවශ්‍ය නොවන කටයුතු වලට මෙම පිරිපහදු කරන ලද පානීය ජලය භාවිතා නොකරන ලෙසයි.  බීමට සහ ඉවුම් පිවුම් කටයුතු වලට පමනක් භාවිතා කරන මෙන් මෙම නිවේදනය මඟින් කාරුණික ඉල්ලීමක් කර ඇත.

මෙම තත්වය මත පාරිභෝගික ජනතාවගේ පානීය ජල අවශ්‍යතාවයන් සපූරාලීමේදී උස් බිම් ප්‍රදේශවලට සහ සමහර ප්‍රදේශයන්හි ජල පාරිභෝගියන් වෙත ජලය බෙදාහැරිමෙදී අඩු පීඩන තත්වයන් උද්ගතවිය හැකිය.

කෙසේ වුවත් මෙම වියලි අයහපත් කාළගුණික තත්වය නිසා ජනතාවට මුහුන දීමට සිදුවී තිබෙන දුෂ්කර තාවය පිළිබඳව ජාතික ජල සම්පාදන හා ජලාපවහන මණ්ඩලය කණකාටුව ප්‍රකාශ කර සිටින අතර මෙම අවස්ථාවේ පානීය ජලය හැකිතාක් දුරට අරපිරිමැස්මෙන් භාවිතා කරන ලෙස ද පාරිභෝගික ජනතාවගෙන් ඉතාමත් කාරුණිකව ඉල්ලා සිටිමි.

මහේන්ද්‍ර හරිස්චන්ද්‍ර

අධ්‍යක්ෂ මාධ්‍ය

ජල සම්පාදන අමාත්‍යාංශය

0716845668

Write comment (0 Comments)

Click here for more informaton

 
 
Write comment (0 Comments)
 

For more information Click here

Write comment (0 Comments)

අතිගරු ජනාධිපතිතුමාගේ "සෞභාග්‍යය දැක්ම" අනුව 2025 සැමට ජලය වැඩසටහන යටතේ ජාතික ප්‍රජා ජල සැපයුම් දෙපාර්තමේන්තුව මඟින් ක්‍රියාත්මක කරන ලද දිවුලපිටිය මැතිවරණ කොට්ඨාශයේ  අසුපිනි ඒකාබද්ධ ප්‍රජා ජල ව්‍යාපෘතිය ජනතා අයිතියට පැවරීම  ජල සම්පාදන අමාත්‍ය ගරු වාසුදේව නානායක්කාර මැතිතුමාගේ සහ රාජ්‍ය අමාත්‍ය ගරු සනත් නිශාන්ත මැතිතුමාගේ ප්‍රධානත්වයෙන් 2022.01.16 දින ගොඩිගමුවේ දී  සිදුවිණි.
මෙම අවස්ථාවට ජල සම්පාදන රාජ්‍ය අමාත්‍යාංශයේ ලේකම් එස්. ජි. විජය බන්දු, ජල සම්පාදන අමාත්‍යතුමාගේ මාධ්‍ය ලේකම් සහ ව්‍යාපෘති අධීක්ෂක කේ.එච්. සංජීව ධම්මික, ජාතික ප්‍රජා ජල සැපයුම් දෙපාර්තමේන්තුවේ  ගම්පහ දිස්ත්‍රික් ස්ථානභාර නිලධාරි චතුර දනුද්ධර යන මහත්වරු ඇතුළු රාජ්‍යනිලධාරීන් හා ප්‍රදේශවාසීන් විශාල පිරිසක් සහභාගී විය.

   
   
   
 
Write comment (0 Comments)

අතිගරු ජනාධිපතිතුමාගේ "සෞභාග්‍යය දැක්ම" අනුව 2025 සැමට ජලය වැඩසටහන යටතේ ජාතික ප්‍රජා ජල සැපයුම් දෙපාර්තමේන්තුව මඟින් ක්‍රියාත්මක කරන ලද මීරිගම මැතිවරණ කොට්ඨාශයේ  ශ්‍රී බෝධි ප්‍රජා ජල ව්‍යාපෘතිය ජනතා අයිතියට පැවරීම ගම්පහ දිස්ත්‍රික් පාර්ලිමේන්තු මන්ත්‍රී කෝකිලා හර්ෂණී ගුණවර්ධන මැතිණියගේ ඉල්ලීමකට අනුව ජල සම්පාදන අමාත්‍ය ගරු වාසුදේව නානායක්කාර මැතිතුමාගේ සහ රාජ්‍ය අමාත්‍ය ගරු සනත් නිශාන්ත මැතිතුමාගේ ප්‍රධානත්වයෙන් 2022.01.16 දින කැටකාලපිටියේදී සිදුවිණි.

මෙම අවස්ථාවට ජල සම්පාදන රාජ්‍ය අමාත්‍යාංශයේ ලේකම් එස්. ජි. විජය බන්දු, ජල සම්පාදන අමාත්‍යතුමාගේ මාධ්‍ය ලේකම් සහ ව්‍යාපෘති අධීක්ෂක කේ.එච්. සංජීව ධම්මික, ජාතික ප්‍රජා ජල සැපයුම් දෙපාර්තමේන්තුවේ  ගම්පහ දිස්ත්‍රික් ස්ථානභාර නිලධාරි චතුර දනුද්ධර යන මහත්වරු ඇතුළු රාජ්‍ය නිලධාරීන් හා ප්‍රදේශවාසීන් විශාල පිරිසක් සහභාගී විය.

   
   
   
   
   

 

Write comment (0 Comments)

ජල සම්පාදන මණ්ඩලය කවදාවත් පුද්ගලිකරණය කරන්න ඉඩ නොදීමේ ප්‍රතිඥාව මා ඔබ ඉදිරියේ අද දිය යුතුව තිබෙනවා. මම ඇමැතිවරයා හැටියට ඉන්නතාක් කල් එය වෙන්නේ නෑ. මගේ විශ්වාසය වන්නේ අපේ ආණ්ඩුවේ ප්‍රතිපත්තිය අනුවත් එය කවදාවත් වෙන්නේ නෑ කියලයි.

අපි ඔක්කොටම සහෝදරත්වයෙන් හා සමානත්වයෙන් සලකන සංස්කෘතියක් අපි ගොඩනඟා ගෙන යනවා. අපි හැමෝම සමානාත්මතාවයෙන් එකිනෙකාට සහෝදරයා කියලා අමතනවා.අපේ මේ තරාතිරම් ගැන අපි නොබලා අපේ සමානාත්මතාවය අපි අගය කරනවා. ඒ අනුව අපි ජීවත් වෙන්න උත්සාහ කරනවා. මම ඒ පිළිබඳව මගේ කාර්යභාරය ඉටු කරනවා. ඒ නිසා ඔබ එක අතෙකින් වෘත්තීය සමිති වල සාමාජිකයන් වෙමින් තමන් කැමති දේශපාලන මතයක් දරන්නට ඔබට අයිතියක් තියෙනවා.

තරුණයො හැටියට වෘත්තීය මට්ටමෙන් සමාන මතයක් තිබිය යුතුය. එය මෙතෙන්ට අදාල නෑ. එය ඔබේ නිදහස. ඒක හැබැයි තමන්ගේ රාජකාරියට පිට වැඩක්. රාජකාරියේ කාර්යය දේශපාලනයයි පටලවා ගන්නැතුව අපේ රාජකාරියේ කාර්යය ඉටු කරලා තමන්ගේ නිදහසේ දේශපාලනයට තමන් යන්න. ඒ ගැන කිසිම ප්‍රශ්නයක් නෑ. ඒක ඇමතිවරයාගේ දේශපාලනයට එකතු වෙන්න ඕනේ කියලා එහෙම නීතියක් ඇත්තෙත් නෑ. එහෙම බලපෑමක් ඇත්තෙත් නෑ. අපි සම්පූර්ණ නිදහස් සමාජයක් ලෝකයේ ඇති වෙනවා දකින්න කැමති අය. එය සමාජය හැම කෙනාගෙම හැකියාවේ පූර්ණත්වයට ඔවුන් ගෙනඑමින් ඒ හැකියාව සමාජයේ යහපතට එකතු කරමින් මේ ලෝකයේ අනාගතය ගොඩනැගීමේ වගකීම අප සතුව තිබෙනවා යැයි ජල සම්පාදන අමාත්‍ය වාසුදේව නානායක්කාර මහතා පවසයි.

අමාත්‍යතුමා මෙම අදහස් පල කළේ අභ්‍යාසලාභී පවිත්‍රාගාර කාර්මික ශිල්පීන් සඳහා පත්වීම් ප්‍රධානය කිරීමේ අවස්ථාවට එක් වෙමිනි. ජල සම්පාදන අමාත්‍යාංශයේ ශ්‍රවනාගාරයේදී පැවති මෙම පත්වීම් ප්‍රධානය කිරීමේ අවස්ථාවේදී 41 එක් දෙනෙකු සඳහා පත්වීම් ප්‍රධානය කරන ලදි.

මෙහිදී වැඩිදුරටත් අදහස් දැක්වූ ජල සම්පාදන අමාත්‍යතුමා

අද අභ්‍යාසලාභීන් හැටියට පත්වීම් ලැබූ ඔබගේ එකතුවීම අප සමඟ අපේ අනාගතයටරටේ අනාගතයට අතිශයින්ම වැදගත් කරුණක්. ඒ වගේම ඔබගේ ජීවිතයට එය අතිශයින්ම වැදගත් කරුණක්. අපේ ජීවිතයයි අපේ රටේ අනාගතයයි කියන එක දෙකක් නෙමෙයි එකක්. අපේ කාර්යභාරය ඉටුකිරීම අපේ රටේ අනාගතයේ ගමනට අපි දායක වීමක්. එය අනිත් අතට අපේ ජීවිතේ අපි නංවා ගැනීමක්. මෙන්න මේ සම්බන්ධය අපි හිතේ දරාගෙන අපේ කාර්යභාරය ඉටුකිරීමේ වැදගත්කමයි මා පෙන්නුවේ.

ඊළඟට මේ ක්‍රමවේදය ඉතාම හොඳයි. ඔබ අද ඉන්නේ වෘත්තීය ජීවිතයට ඇතුළු වන ප්‍රවේශ දොරටු ඉදිරියේ. මේ ජර්මන් තාක්ෂණය කුසලතාවය ලෝකයේම පිළිගන්නවා. කාර්මික ශිල්පීන් හැටියට ඔබගේ වැදගත්කම ඔබ දන්නවා. කාර්මික ශිල්පීන්ගේ දායකත්වය නැතුව ලෝකෙට අනාගතයක් නෑ. මනුෂ්‍ය සංහතියට අනාගතයකුත් නෑ. අපි අවුරුදු දහස් ගණනක් ආපු ගමන පරිණාමය වෙමින් ක්‍රමයෙන් අද ඉන්න දියුණු තත්ත්වයට ආවේ කාර්මික ඥානයේ එකතු වීමත් එක්ක. ඉතින් ඔබ ඒ කාර්මික ඥානය දරන්නන් හැටියට මේ ඔබ භාරගන්නේ ලොකු වැදගත් වගකීමක්. හමුදාවක පෙරමුණු බල ඇණිය වගේ ජාතික අවශ්‍යතාවයේ උවමනාව වෙනුවෙන් කැපවෙන පිරිසක් හැටියට ඔබ මම අද සාධරයෙන් පිළිගන්නවා යැයිද ජල සම්පාදන අමාත්‍යතුමා මෙහිදී වැඩි දුරටත් කියා සිටියේය.

මෙම අවස්ථාවට ගරු අමාත්‍යතුමාගේ පෞද්ගලික ලේකම් සරත් ආර්රණසිංහ, සම්බන්ධිකරණ ලේකම් ජී.වී.ඩීතිලකසිරි, මාධ්‍ය ලේකම් හා ව්‍යාපෘති අධ්‍යක්ෂ කේ.එච්. සංජීව ධම්මික, මහජන සම්බන්ධීකරණ ලේකම් ඩග්ලි කලංසූරිය, ජල සම්පාදන මණ්ඩලයේ උප සභාපති නිමල් ආර්. රණවකඅතිරේක සාමාන්‍යධිකාරී ජි.කේ. ඉද්දමල්ගොඩ යන මහත්වරුන්ද සහභාගී විය.

 

මහේන්ද්‍ර හරිස්චන්ද්‍ර

අධ්‍යක්ෂ (මාධ්‍ය)

ජල සම්පාදන අමාත්‍යාංශය

0716845668

Write comment (0 Comments)
   
Write comment (0 Comments)
 
Write comment (0 Comments)

2025 සැමට පානීය ජලය ලබාදීමේ ජාතික සැලැස්ම යටතේ පසුගිය 2021 වර්ෂය සඳහා නව ජල සම්බන්ධතා ලබා දීමේ ඉලක්කය අභිබවමින් ජාතික ජල සම්පාදන හා ජලාපවාහන මණ්ඩලය වාර්තාගත ඉලක්කයකට ළඟා වී ඇතැයි ජලසම්පාදන අමාත්‍ය වාසුදේව නානායක්කාර මහතා පවසයි. මෙම වාර්තාගත ඉලක්කය සපුරා ගැනීමේ සම්පූර්ණ ගෞරවය ජල සම්පාදන මණ්ඩලයේ ඉංජිනේරු, කාර්මික, කම්කරු, සියලු සේවක පිරිස් වෙත හිමි විය යුතු යැයි ද කොරෝනා වසංගතය හමුවේ මාස ගණනාවක් රට වසා දමා තිබූ අවස්ථාවේදීත් අඛණ්ඩව ජල සැපයුමක් ලබාදෙමින් නව ජල සම්බන්ධතා ලබාදීමේ ඉලක්කයද සපුරා ගැනීම සුවිශේෂී ක්‍රියාවක් බවද අමාත්‍යතුමා පෙන්වා දුන්නේය.

අද දින (ජනවාරි 11) ජල සම්පාදන අමාත්‍යාංශයේ ප්‍රගති සමාලෝචන රැස්වීමට එක්වෙමින් වාසුදේව නානායක්කාර මැතිතුමා මෙම අදහස් ප්‍රකාශ කළේය. 2021 වර්ෂය සඳහා ඉලක්කගත නව ජල සම්බන්ධතා සංඛ්‍යාව 183,044 කි. නමුත් එය අභිබවා 2,00,244ක ඉලක්කයක් සපුරා ගැනීමට ජල සම්පාදන මණ්ඩලය සමත් වී ඇත. මෙය ප්‍රතිලාභීන් මිලියනයකට ආසන්න ජනතාවකට එක් වසරක් තුල පානීය ජල සම්බන්ධතාවය ලබා දුන් ප්‍රථම අවස්ථාව වේ. පසුගිය 2019 වර්ෂයේ දී ලබා දිය හැකිව තිබුණේ නව ජල සම්බන්ධතා 97,367 කි. 2020 වර්ෂයේ 113,908 නව ජල සම්බන්ධතා ලක්ෂ දෙක ඉක්මවීම ප්‍රසංසනීය කාර්යයක් බවද කියා සිටි අමාත්‍යතුමා පළාත් වශයෙන් 2021 වර්ෂයේදී නව පානීය ජල සම්බන්ධතා ලබා දීමේ ප්‍රගතියද පෙන්වා දුන්නේය. ඒ අනුව බස්නාහිර පළාතේ 87.53% ක්ද නැගෙනහිර පළාතේ 117.71% ක්ද  උතුරු මැද පළාතේ 99.77% මධ්‍යම පළාතේ 97.95% ආදී වශයෙන් ඉලක්කයන් ළඟා කරගෙන ඇත.

මෙයට අමතරව ග්‍රාමීය දුෂ්කර ප්‍රදේශ සඳහා ජාතික ප්‍රජා ජල සැපයුම් දෙපාර්තමේන්තුව මගින් නව පානීය ජල සම්බන්ධතා 59,420 ක ප්‍රමාණයක් ලබා දී ඇති අතර ජල සම්පාදන හා සනීපාරක්ෂාව වැඩිදියුණු කිරීමේ ව්‍යාපෘතිය යටතේ කුඩා පරිමාණයේ ජල සම්පාදන ව්‍යාපෘති 103ක් මඟින් නව ජල සම්බන්ධතා සහ 13,411ක් පසුගිය වසරේදී ලබා දී ඇත.

එසේම මෙම ව්‍යාපෘතිය යටතේ සනීපාරක්ෂක කටයුතු සඳහා වැසිකිලි ඉදිකිරීම, පාසල් සනීපාරක්ෂක වැඩසටහන් ක්‍රියාත්මක කිරීම, ආදි ආදිවාසී ජනතාව සඳහා දඹාන ප්‍රදේශයේ සනීපාරක්ෂක පහසුකම් සැපයීම, රුවන්වැල්ල ප්‍රදේශය සඳහා මලාපවහන ව්‍යාපෘතියක් ක්‍රියාත්මක කිරීම, පූජා නගර ආශ්‍රිත පොදු සනිපාරක්ෂක ඉදිකිරීම් සිදු කිරීම සහ ආබාධිත පුද්ගලයින් සඳහා සනීපාරක්ෂක පහසුකම් ලබාදීම  ඇතුළු ප්‍රතිලාභී පවුල් 25,632ක් සඳහා සහන ලබාදීමද 2021 වර්ෂයේ තවත් වැදගත් පියවරක් වන බවද අමාත්‍යතුමා කියා සිටියේය.

2022 වර්ෂයේදී නව ජල සම්බන්ධතා 380,709 ලබාදීම අපගේ ඉලක්කය වන අතර ලක්ෂ හතරක් නව ජල සම්බන්ධතා ලබා දීම කෙසේ හෝ ඉටු කරන බවත් එම අභියෝගය අපගේ ඉංජිනේරු සේවක 

පිරිස් භාරගෙන තිබීම මා ඇතුළු රාජ්‍ය අමාත්‍යතුමාටත් අමාත්‍යාංශයේ ලේකම්තුමා ඇතුළු සියලු දෙනාටම ශක්තියක් වන බවත් කියා සිටියේය.

ජල සම්පාදන අමාත්‍යාංශයේ ලේකම් ආචාර්ය ඉංජීනේරුප්‍රියත් බන්දු වික්‍රම, රාජ්‍ය අමාත්‍යංශ ලේකම් S.G විජයබන්දු, ජල සම්පාදන මණ්ඩලයේ සාමාන්‍යාධිකාරී තිළිණ විජේතුංග යන මහත්වරුන් ප්‍රධාන දිවයින පුරා ජල සම්පාදන මණ්ඩලය, ප්‍රජා ජල දෙපාර්තමේන්තුව සහ ජල සම්පත් මණ්ඩලයේ ආයතන ප්‍රධානීන් මෙම ප්‍රගති සමාලෝචන රැස්වීමට සුම් තාක්ෂණය ඔස්සේ සම්බන්ධ විය.

   
Write comment (0 Comments)

ගරු අග්‍රාමාත්‍ය මහින්ද රාජපක්ෂ මැතිතුමාගේ සුරතින් මාවතගම ජල සම්පාදන ව්‍යාපෘතිය ජනතා අයිතියට පැවරීම ජනවාරී 06 වන දින මාවතගමදී සිදුවිණි.

මාර්ග හා මහාමාර්ග අමාත්‍ය ගරු ජොන්ස්ටන් ප්‍රනාන්දු මහතාගේ ඉල්ලීමකට අනුව ජල සම්පාදන අමාත්‍ය ගරු වාසුදේව නානායක්කාර මහතාගේ පූර්ණ මැදිහත් වීම තුලින් මෙම ජල සම්පාදන යෝජනා ක්‍රමය කඩිනමින් නිම කිරීමට හැකිවිය.

වයඹ පළාතේ පිහිටි කුරුණෑගල දිස්ත්‍රික්කය යනු ජල මූලාශ්‍ර හිඟ දිස්ත්‍රික්කයකි. කුරුණෑගල මාවතගම ප්‍රදේශයේ මහජනතාව පානීය නල ජලය නොමැති කමින් දශක ගණනාවක් දුක්විඳි ජනතාවකි. එම ගැටළුව විසඳීම සඳහා මහවැලි ගඟෙන් ලබාගන්නා ජලය කටුගස්තොට ජල පිරිපහදුවෙන් පිරිපහදු කර ගලගෙදර හරහා මාවතගම වෙත රැගෙන එනු ලබන ව්‍යාපෘතියයි මාවතගම ජල සම්පාදන ව්‍යාපෘතිය.

මෙම මාවතගම නගරයේ හා පිලැස්ස ප්‍රදේශයේ පිහිටා ඇති ජල කුළුණු දෙකක් ආශ්‍රයෙන් බෙදා හැරීම් කටයුතු සිදු කරනු ලබයි. මාවතගම හා මල්ලවපිටිය ප්‍රාදේශීය ලේකම් බල ප්‍රදේශයේ ග්‍රාම නිළධාරී වසම් 28 ක 15,000 කට ආසන්න ජනතාවකට මෙමඟින් පිරිසිදු පානීය ජලය ලැබෙනු ඇත.

ඊට අමතරව මාවතගම අයෝජන ප්‍රවර්ධන මණ්ඩල කර්මාන්ත පරිශ්‍රය සඳහා ද දිනකට ඝන මීටර් 500 ක ප්‍රමාණයක ජල අවශ්‍යතාවයක් ඇත. එයද මෙම යෝජනා ක්‍රමය මඟින් ආවරණය වේ. සැමට ජලය වැඩසටහන යටතේ ඉදිරියේ දී ක්‍රියාත්මක වීමට නියමිත දැවැන්ත ව්‍යාපෘතියක් වන කුරුණෑගල උතුර ව්‍යාපෘතිය යටතේ මාවතගම, රිදීගම, ඉබ්බාගමුව, ගනේවත්ත, මැල්සිරිපුර, මාස්පොත, කුරුණෑගල ප්‍රාදේශීය ලේකම් කොට්ඨාශයන් සම්පූර්ණයෙන් ආවරණය කරමින් ප්‍රතිලාභීන් 500,000 සෙත සැලසීමට ද ඉදිරි සැලසුම් මේ වන විට සකස් කොට ක්‍රියාත්මක වෙමින් පවති. මාවතගම ජල සම්පාදන ව්‍යාපෘතිය සඳහා වැය වූ සම්පූර්ණ මුදල රු.මි.3126 කි. මෙය දේශීය බැංකු අරමුදල යටතේ ක්‍රියාත්මක වූ යෝජනා ක්‍රමයකි.

   
   
   
   
   
Write comment (0 Comments)