“ජල රක්ෂිත සුරැකීමේ ජාතික ව්‍යාපාරය“ - පළමු අදියර  ගරු ජල සම්පාදන අමාත්‍ය වාසුදේව නානායක්කාර මැතිතුමාගේ ප්‍රධානත්වයෙන් 2021.10.13 වන දින රත්නපුර දිස්ත්‍රීක්  ලේකම් කාර්යාලයේදී ආරම්භ කෙරුනි.

Write comment (0 Comments)

Click here for the vedio......

Write comment (0 Comments)

ජලය මිනිසාගේ මූලික අවශ්‍යතාවයන් නමුත් එම මූලික අවශ්‍යතාවය සපුරා ගත නොහැකි වූ අප රටේ කොතෙකුත් ජනතාව නොයෙක් පීඩාවන්ට ලක් වනවාද?

එම පීඩාවන් හොඳින් හඳුනාගත් වත්මන් ජල සම්පාදන අමාත්‍ය වාසුදේව නානායක්කාර මැතිතුමා දිවයින පුරා සිටින ජනතාවගේ සාපිපාසාව නිවාලීම සඳහා වැඩසටහන් ගණනාවක් හඳුන්වා දී තිබෙනවා.ඒ අතරින් “පැයෙන් පැයට දොරින් දොරට” වැඩසටහන සහ “ජල නල එලීම උදෙසා සේවක ප්‍රජා වැඩසටහන” විශේෂ තැනක් ගනු ලබනවා.

මෙම වැඩසටහන් අතුරින් ජල නල එලීම සඳහා සේවක ප්‍රජා වැඩසටහනක් විශේෂත්වයක් ගනු ලබනවා.ඊට හේතුව වන්නේ ඒ සඳහා සහභාගි වන ජාතික ජලසම්පාදන හා ජලාපවහන මණ්ඩලයේ ඉංජිනේරුවාගේ සිට සාමාන්‍ය කම්කරුවා දක්වා සහභාගී වන සියලුම දෙනා දිනක වැටුප සහ අතිකාල දීමනා ගමන් වියදම් කිසිවක් නොමැතිව සුවෙච්චාවෙන් සේවයේ යෙදීමයි.

ජල සම්පාදන අමාත්‍ය වාසුදේව නානායක්කාර මැතිතුමාගේ සංකල්පයකට අනුව දිවයින පුරාම ක්‍රියාත්මක කිරීමට නියමිත මෙම “ජල නල එලීම උදෙසා සේවක ප්‍රජා වැඩසටහන” අදියර දෙකක් මේ වන විට ඉතා සාර්ථක ආකාරයෙන් ගම්පහ දිස්ත්‍රික්කයේ සහ රත්නපුර දිස්ත්‍රික්කය උඩවලව ප්‍රදේශයේ සිදු කරමින් ජල සම්පාදන මණ්ඩලයට රුපියල් කෝටි 20 කට අදික මුදලක් ජල සම්පාදන මණ්ඩලය තුළ ඉතිරි කර ගැනීමේ හැකියාව ලැබී ඇත.

පසුගිය කාලසීමාව තුල දිවයින පුරා පැවති කොවිඩ් 19 වසංගත තත්වය හේතුවෙන් තරමකට පසුබෑමට ලක් වී තිබුණු “ජල නල එලීම උදෙසා සේවක ප්‍රජා වැඩසටහනෙහි අදියර 03 ක්‍රීඩා අමාත්‍ය නාමල් රාජපක්ෂ මහතාගේ ඉල්ලීම මත අගුණකොලපැලැස්ස ප්‍රදේශයේ ක්‍රියාත්මක කිරීමට ජල සම්පාදන අමාත්‍ය වාසුදේව නානායක්කාර මහතා තීරණය කොට ඇති අතර ඒ සම්බන්ධයෙන් සිය නිලධාරීන් වෙත මේවන විටත් උපදෙස් ලබා දී ඇති. අගුණකොලපැලැස්ස ප්‍රදේශයේ පානීය ජල සම්බන්ධතාවයන් ලබාදීමේ වැඩපිළිවෙළ කඩිනම් කරමින් ජල සම්පාදන අමාත්‍ය වාසුදේව නානායක්කාර මැතිතුමාගේ මාධ්‍ය ලේකම් සංජීව ධම්මික මහතාගේ සහ ගරු අග්‍රාමාත්‍ය මහින්ද රාජපක්ෂ මැතිතුමාගේත් ක්‍රීඩා අමාත්‍ය නාමල් රාජපක්ෂ මැතිතුමාගේ හම්බන්තොට දිස්ත්‍රික් සම්බන්ධීකරණ ලේකම් කොඩිකාර මහතාගේ ප්‍රධානත්වයෙන් ජල නල එලීම උදෙසා සේවක ප්‍රජා වැඩසටහන සම්බන්ධයෙන් දැනුවත් කිරීම සහ නව ජල සම්බන්ධතා අවශ්‍ය ජනතාව සඳහා ජල සම්බන්ධතා අයදුම් පත්‍ර බෙදා දීම අඟුණකොළපැලැස්ස ප්‍රදේශයේ කට්ටකඩුව, ඉහලගම, යකාගල, හැලේකඩේ, කරගහවෙල, ගුරුවල, ජදුර, ජූලමුල්ල, කොටවාය සහ ගල්සිඹලයාය ගම්මානයන්හී පසුගියදා සිදු කරන ලදී.

එම අවස්ථාවට අඟුණකොළපැලැස්ස ප්‍රාදේශිසභාවේ මන්ත්‍රී වරුන් වන ජී.වමින්ද,ඉලේසිංහගේ ප්‍රේමචන්ද්‍ර,ෂර්ලි ජයලත්,දිල්ශාන් ප්‍රියදර්ෂණ,ආර්.පියසීලී,ආරියරත්න යන මහත්ම මහත්මීන්, ජල සම්පාදන අමාත්‍ය වාසුදේව නානායක්කාර මැතිතුමා හම්බන්තොට දිස්ත්‍රික් සම්බන්ධීකරණ ලේකම් පී.ගාර්දියවසම් මහතා ,නාමල් රාජපක්ෂ මැතිතුමාගේ අඟුණකොළපැලැස්ස සම්බන්ධීකරණ ලේකම්වරු සහනව ජල සම්බන්ධතාවයන් අවැසි ප්‍රදේශවාසී ජනතාව සහභාගී විය.

Write comment (0 Comments)

යාපනය අර්ධද්වීපයේ මෙතෙක් පැවති පානීය ජල ගැටලුවට ස්ථිර විසඳුම් ලැබෙන යාපනය නගර ජල නළ පද්ධතිය හා තාලෛයඩි මුහුදු ජල පවිත්‍රාගාරයේ ඉදිරකිරීම් ඊයේ (06 දා) අගමැති මහින්ද රාජපක්ෂ මහතා විසින් ආරම්භ කළේය.

නාගදීප ජල පවිත්‍රාගාරය ජනතා අයිතියට පත්කරමින් නාගදීපයේ පැවති උත්සව අවස්ථාවට අරලියගහ මන්දිරයේ සිට සජීවීව එක්වූ අග්‍රාමාත්‍යවරයා ඔන්ලයින් ක්‍රමයට තාලෛයඩි මුහුදු ජල පවිත්‍රාගාරයේ ඉදිකිරීම් හා යාපනය නාගරික ජල සම්පාදන ජල නළ පද්ධති ඇතිරීමේ කටයුතු ආරම්භ කළේය.

යාපනය කිළිනොච්චි ජල සම්පාදන ව්‍යාපෘතිය ඔස්සේ ග්‍රාම නිළධාරී කොට්ඨාශ 186 කට ආරක්ෂිත නළ ජලය සැපයීමට අපේක්ෂා කරන අතර මධ්‍යම රජයේ මුදල් සහ ආසියානු සංවර්ධන බැංකුවේ මූල්‍ය ආධාර යටතේ මෙම ව්‍යාපෘතිය ක්‍රියාත්මක වේ.

තාලෛයඩි මුහුදු ජල පවිත්‍රාගාරය ඔස්සේ අධි තාක්ෂණික ජල පිරිපහදු ක්‍රමය යටතේ මුහුදු ජලය ආරක්ෂිත පානීය ජලය බවට පත්කිරීමට සැලසුම් කර තිබේ. එම ව්‍යාපෘතිය සහ යාපනය නාගරික ජල සම්පාදන ආරක්ෂිත ජල නළ පද්ධති ඇතිරීම මඟින් ලක්ෂ තුනක ජනතාවට සෙත සැලසෙන අතර, එය 2023 වසර වනවිට අවසන් කිරීමට නියමිතව ඇත.

යාපනය නගරය සහ ඒ අවට පවුල් එක් ලක්ෂ දොළොස් දහසකට පමණ නළ මඟින් ආරක්ෂිත පානීය ජලය ලබාගැනීමේ අවස්ථාව නව ව්‍යාපෘතිය ඔස්සේ හිමිවීම විශේෂත්වයකි.

ජනතා අයිතියට පත් කළ නාගදීප මුහුදු ජල පවිත්‍රාගාරය ඔස්සේ නාගදීප, අනලතිව්, එලුවතිව් දූපත් සඳහා ජලය බෙදා හැරීම් විධිමත් වන අතර, මේ තුලින් පවුල් 5,000 කට ඍජුව ප්‍රතිලාභ සැලසෙයි.

ආසියානු සංවර්ධන බැංකුවේ අධ්‍යක්ෂ ජනරාල් කෙන්චි යොකොහාමා මහතා සූම් තාක්ෂණය ඔස්සේ මෙම උත්සව සභාව ඇමතු අතර දැනට ක්‍රියාත්මක ජල ව්‍යාපෘතීන් හී සාර්ථකත්වය පිළිබඳව එතුමාගේ සුබ පැතුම් එක් කළේය. ජල සම්පාදන අමාත්‍ය වාසුදේව නානායක්කාර මැතිතුමන් අදහස් දක්වමින් අපගේ ලොකුම සිහිනයක්ව පැවතියේ උතුරේ පානීය ජල ප්‍රශ්ණය විසඳාලීමයි. එය අපගේ රජයක් තුළින් මා හට සාර්ථකව ඉෂ්ඨ සිද්ධ කර ගැනීමට හැකිවීම විශාල ජයග්‍රහණයක් බවද කියා සිටියේය. ධීවර අමාත්‍ය ඩග්ලස් දේවානන්දා මැතිතුමා සහ ජල සම්පාදන මණ්ඩලයේ සභාපති නිශාන්ත රණතුංග මහතා මෙහිදී අදහස් දැක්වීය. අමාත්‍යාංශ ලේකම් ආචාර්ය ප්‍රියත් බන්දුවික්‍රම, ජල සම්පාදන මණ්ඩලයේ සාමාන්‍යාධිකාරී - තිළිණ විජේතුංග, ගරු අමාත්‍යතුමාගේ පෞද්ගලික ලේකම් සරත් රණසිංහ යන මහත්වරුන්ද මෙම අවස්ථාවට සහභාගී වීය.

නාගදීප ජලපවිත්‍රාගාරය විවෘත කිරීමේ අවස්ථාවට උතුරු පළාත් ආණ්ඩුකාර චාල්ස් මැතිණිය, පාර්ලිමේන්තු මන්ත්‍රී අංගජන් රාමනාදන්, රාජ්‍ය අමාත්‍ය සනත් නිශාන්ත යන මැති ඇමතිවරුන් සහභාගී විය.   

උතුරු පළාත තුළ දැනට පවතින 9.6% ක් වන ආරක්ෂිත පානීය නළ ජල සැපයුම 2025 වසර වන විට සීයයට සීයයකින් ඉහළ නැංවීමට ජාතික ජල සම්පාදන හා ජලාපවහන මණ්ඩලය සැලසුම් කර තිබේ.  

මහේන්ද්‍ර හරිස්චන්ද්‍ර

අධ්‍යක්ෂ (මාධ්‍ය)

ජල සම්පාදන අමාත්‍යාංශය

0716845668

   
   

 

 

 

Write comment (0 Comments)

මුහුදු ජලයෙන් පානීය ජලය.

උතුරේ ජනතාවගේ පානීය ජල ගැටළුවට ස්ථිරසාර විසඳුමක්.

වසර ගණනාවක් පුරා උතුරේ ජනතාව මුහුණ දුන් පානීය ජල ගැටළුවට ස්ථිරසාර විසඳුමක් ලෙස මුහුදු ජලයෙන් පානීය ජලය ලබාගැනීමේ දැවැන්ත ව්‍යාපෘතිය ඔක්තෝම්බර් 06 වන දින (අද දින) ගරු අග්‍රාමාත්‍ය මහින්ද රාජපක්ෂ මැතිඳුන් අතින් ආරම්භ විය.

මෙම ව්‍යාපෘතිය සම්බන්ධයෙන් අදහස් දැක්වූ ජල සම්පාදන අමාත්‍ය වාසුදේව නානායක්කාර මහතා,

උතුරුකරයේ ජීවත් වන අපගේ සහෝදර ජනතාව වසර ගණනාවක් පරම්පරා ගණනාවක් මුළුල්ලේ නිසි පරිදි පානීය ජලය නොමැතිවීම නිසා දැඩි දුෂ්කරතාවයන්ට මුහුණ දීමට සිදුවුනා. මේ සඳහා විවිධ වූ යෝජනා සැලැසුම් ක්‍රියාත්මක වුවද එය ඵලදායී නොවු බැවින් අධික පිරිවැයක් දරා හෝ මෙම උතුරේ ජනතාවට සහනයක් ලබාදීමේ අරමුණින් ජල සම්පාදන අමාත්‍යාංශයේ මෙහෙයවීමෙන් ජාතික ජල සම්පාදන හා ජලාපවහන මණ්ඩලය මඟින් මෙම දැවැන්ත ව්‍යාපෘතිය යාපනය කිළිනොච්චි ජල සම්පාදන ව්‍යාපෘතිය ආරම්භ කිරීමට කටයුතු කරනු ලැබ තිබෙනවා.

මෙහි ප්‍රතිඵලයක් ලෙස යාපනය අර්ධද්වීපයේ පානීය ජල ගැටළුව 50% කට වඩා වැඩි ප්‍රමාණයකින් විසඳෙන අතර මුල් අදියරේ දී පමණක් පවුල් ලක්ෂ 03 කට පමණ මෙමඟින් සෙත සැලසෙන බවද අමාත්‍යතුමා පෙන්වා දෙන ලදී.

මෙම ව්‍යාපෘතිය යටතේ මූලික වටයේ දී නාගදීප මුහුදු ජල පවිත්‍රගාරය, තාලෛයඩි මුහුදු ජල පවිත්‍රාගාරය, යාපනය නගර බෙදාහැරීමේ පද්ධතිය ලෙස යෝජනා ක්‍රම 03 ක් ක්‍රියාත්මක වේ.

නාගදීප පානීය ජල පිරිපහදු මධ්‍යස්ථානය මඟින් නාගදීපය, ඉලුවතිව් සහ අනලතිව් යන දූපත් වල වෙසෙන නිවාස 1,500 කට ප්‍රතිලාභී පවුල් වශයෙන් පවුල් 6,000 කට නල මඟින් ආරක්ෂිත පානීය ජලය ලබාදීම සිදුකෙර්. ඒ සඳහා වැයවන මුදල රු. මිලියන 187 කි. මෙහි දෙවන අදියර එනම් නාගදීප පිරිපහදු පද්ධතියේ සිට නාගදීප, ඉලුවතිව් හා අනලතිව් දූපත් වලට නල මඟින් ජලය ගෙනයාම සඳහා කිලෝමීටර විසිපහක බෙදාහැරීමේ නල පද්ධතිය එළීම ද මෙයට සමගාමීව ආරම්භ කෙරේ. ඒ සඳහා ඇස්තමේන්තු ගත වියදම රු.මිලියන 34 කි.

රු. මිලියන 19,000 ක පමණ විශාල පිරිවැයක් දරා ඉදිකරනු ලබන තාලෛයඩි මුහුදු ජල පවිත්‍රාගාරය මෙම ව්‍යපෘතිය යටතේ සිදුකරන දැවැන්තම යෝජනා ක්‍රමයයි. මෙමඟින් නිවාස 12,000 ක වාසය කරන, 60,000 ක් පමණ වන ජනතාවකට නල මඟින් ආරක්ෂිත පානීය ජල පහසුකම් ලබාදීමට කටයුතු සිදුකෙරේ. මෙයට සමගාමීව ඉදිකෙරන තාලෛයඩි ජල පිරිපහදු පද්ධතිය නල ජලය සැපයෙන යාපනය නගර සීමාව සහ තදාසන්න ප්‍රදේශවලට නල ජලය බෙදාහැරීම සඳහා වන නල ජල පද්ධතිය මඟින්               රු. මිලියන 3,160 ක් වැයකර පවුල් 28,000 ක් වෙසෙන 60,000 ක පමණ ජනගහණයට ආරක්ෂිත නල ජල පහසුකම් ලබාදීමට හැකියාව ලැබී ඇත. මෙම පද්ධතියේ දුර ප්‍රමාණය කි.මී. 271 වේ.

මෙම ව්‍යාපෘතිය ආසියානු සංවර්ධන බැංකුවේ සහ ශ්‍රී ලංකා රජයේ මූල්‍ය ප්‍රතිපාදන යටතේ ජල සම්පාදන අමාත්‍යාංශයේ ජාතික ජල සම්පාදන හා ජලාපවහන මණ්ඩලය මඟින් සිදුකෙරේ.

මහේන්ද්‍ර හරිස්චන්ද්‍ර

අධ්‍යක්ෂ (මාධ්‍ය)

ජල සම්පාදන අමාත්‍යාංශය

0716845668    

 

Write comment (0 Comments)

කියුබානු රජය මඟින් පවත්වාගෙන යනු ලබන රාජ්‍ය ජල සම්පාදන ආයතනයේ විශේෂඥයන්ගේ දැනුම සහ සහයෝගය ශ්‍රී ලංකාවේ ජල සම්පාදන ක්‍රියාවලියට ලබාදීමට කියුබානු රජය කැමැත්තෙන් පසුවන බවත් ශ්‍රී ලංකාවේ ජල සම්පාදන ක්‍රියාවලියට සම්බන්ධ වියත් ඉංජිනේරුවරුන්ගේ සහ විශේෂඥයින්ගේ දැනුම ද කියුබානු රජය වෙත ලබාදෙන ලෙසත් කියුබානු නව මහ කොමසාරිස් අන්ද්‍රේයස් මාචොලො ගොන්සාලෙස් ගාරිඩෝ මහතා ජල සම්පාදන අමාත්‍ය වාසුදේව නානායක්කාර මහතාගෙන් ඉල්ලා සිටියි.

කියුබානු මහ කොමසාරිස්වරයා අද ජල සම්පාදන අමාත්‍යාංශයේ දී අමාත්‍ය වාසුදේව නානායක්කාර මහතා හමුවුනු අවස්ථාවේ දී මෙම ඉල්ලීම කරන ලදී.

මෙම අවස්ථාවේ දී අදහස් දැක්වූ ජල සම්පාදන අමාත්‍ය වාසුදේව නානායක්කාර මහතා කියා සිටියේ කියුබානු රජය සහ ශ්‍රී ලංකා රජය අතර දීර්ඝ කාලීන සුහද මිත්‍රත්වයක් ඇති බවත් එම මිත්‍රත්වය සුහදතාවය ශක්තිමත් කිරීමක් වශයෙන් ඔබගේ පැමිණීම විශේෂයෙන් අගය කරන බවත් කියා සිටියේය.

ජල සම්පාදනය සම්බන්ධයෙන් කියුබානු රජයේ ජල විශේෂඥයින්ගේ දැනුම සහ තාක්ෂණික සහය ලබාගැනීමට අප අමාත්‍යාංශය සතුටින් අපේක්ෂා කරන බවත් ශ්‍රී ලංකාවේද විශිෂ්ඨ දැනුම සහ පළපුරුද්දකින් සමන්විත වියත් ඉංජිනේරුවන්ගේ දැනුම සහ සහයෝගය ඔබගේ ආරාධනය පරිදි කියුබානු ජල රාජ්‍ය ජල සම්පාදන ආයතනය වෙත ලබාදීමට කටයුතු කරන බවත් කියා සිටියේය.

කියුබානු තානාපතිතුමන්ගේ ඉල්ලීම කල් නොහැර අදම අප විසින් ආරම්භ කරන බවත් මෙහිදී අමාත්‍යතුමා වැඩිදුරටත් දන්වා සිටියේය.

මෙම අවස්ථාවට ජල සම්පාදන අමාත්‍යතුමාගේ උපදේශක සඳක ගුණසේකර, සම්බන්ධිකරණ ලේකම්වරුන් වන ඩී.වී.ඩී. තිලකසිරි සහ ඩඩ්ලි කලංසූරිය යන මහත්වරුන් ද සහභාගී විය.    

 

 

Write comment (0 Comments)

Click here for the Hemmathagama WSS video.......

Write comment (0 Comments)
Write comment (0 Comments)

සැමට පිරිසිදු පානීය ජලය ලබාදීමේ මේ දැවැන්ත ක්‍රියාවලිය ජාතික ප්‍රතිපත්තියක් ලෙස නියම වුවද මේ සඳහා අමාත්‍යාංශයක්, ආයතන, ව්‍යවස්ථාපිත මණ්ඩල පිහිටුවා තිබුනත් දේශීය හා විදේශීය සම්පත් ප්‍රතිපාදන අප සතු වුවත්, නවීන දැනුම, තාක්ෂණය, ඉංජිනේරු ශිල්පීන් රැසක් අප හා එකතු වුවත් ජනතාවගේ සහභාගීත්වය, ජනතාවගේ ඕනෑකම, ජනතාවගේ උනන්දුව නැත්තම් කොතරම් අත්‍යාවශ්‍ය ක්‍රියාකාරකමක් වුවද සාර්ථක නොවන අතර 2025 සැමට පානීය ජලය යන මෙම දැවැන්ත ක්‍රියාන්විතය සැබැවින්ම සාර්ථක කර ගැනීම සඳහා ජලය ජනතාවට සම්බන්ධ කිරීම අද දිනයේ සිදුකරන බව ජල සම්පාදන අමාත්‍ය වාසුදේව නානායක්කාර මහතා පවසයි.

“පැයෙන් පැයට දොරින් දොරට පානීය ජල සම්බන්ධතා” පැය 24 ක් තුල නව ජල සම්බන්ධතා ලබාදීමේ ක්‍රියාන්විතයේ, ජාතික වැඩසටහන ආරම්භ කරමින් කටාන කිඹුලාපිටිය ප්‍රදේශයේ දී අමාත්‍යතුමා මෙම අදහස් ප්‍රකාශ කලේය. 

මෙහිදී වැඩිදුරටත් අදහස් දැක්වූ අමාත්‍යතුමා,

2025 සැමට පානීය ජලය ලබාදීමේ දැවැන්ත ජාතික ක්‍රියාවලිය රට පුරා ක්‍රියාත්මක කිරීමේ දී විවිධ වූ ක්‍රමෝපායන්, වැඩසටහන් ක්‍රියාත්මක කිරීම අත්‍යාවශ්‍ය වේ. අපගේ අරමුණ සැමට පිරිසිදු පානීය ජලය ලබාදීම නම් එම අරමුණ කරා අප ඉලක්කගත සැලසුමක් තුලින් ළඟා විය යුතුය.

ඒ සඳහා අප විසින් අනුගමනය කරන තවත් සුවිශේෂි කාර්යයක් ලෙස මෙම පැයෙන් පැයට දොරින් දොරට නව ජල සම්බන්ධතා ලබාදීමේ ජාතික වැඩසටහන හැඳින්විය හැකිවෙයි.

මෙහිදී අප විසින් ජනතාවගේ අවශ්‍යතාවය සහ වැඩි ඉල්ලුම මත තෝරාගත්තා වූ ප්‍රදේශය තුල ප්‍රජා සහභාගීත්වයෙන් අදාල ජල නල එලීමේ කාණු පද්ධති සකස් කර ගැනීමෙන් අනතුරුව ඔවුන්ගේ නිවෙස් වෙතටම ගොස් එකම දිනයක් තුල ඔවුන්ගෙන් ජල සැපයුම් ඉල්ලුම් පත්‍රය ලබාගෙන එම මොහොතේම ඇස්තමේන්තු සකස් කර අවශ්‍ය මුදල් අයකරගැනීමෙන් පසු එදිනම පස්වරුවේ නව ජල සම්බන්ධතාවය ලබාදීමට හැකිවීම, පැහැදිලිවම දැවැන්ත ජාතික ක්‍රියාවලියක් වන බව වාසුදේව නානායක්කාර මැතිතුමා මෙහිදී වැඩිදුරටත් දන්වා සිටියේය.

සැමට පානීය ජලය ලබාදීම ජාතික ජල සම්පාදන හා ජලාපවහන මණ්ඩලය ප්‍රධාන දැවැන්ත ව්‍යාපෘති මඟින් මෙන්ම සුළු හා මධ්‍ය පරිමාණයේ ජල යෝජනා ක්‍රම මඟින් මේ වන විට ඉතාමත් සාර්ථකව සිදුකරගෙන යනු ලබයි. මෙයට අමතරව අපගේ ජාතික ප්‍රජා ජල දෙපාර්තමේන්තුව මඟින් ද ග්‍රාමීය මට්ටමේ කුඩා ජල ව්‍යාපෘති (ප්‍රජා ජල ව්‍යාපෘති) මඟින් ගම්මාන මට්ටමින් ඒ ඒ ප්‍රදේශයන් ආවරණය වන පරිදි ප්‍රදේශයේ ජල මුලාශ්‍ර උපයෝගී කරගනිමින් ක්‍රියාත්මක කරන ජල සම්පාදන ක්‍රියාවලිය ද අපගේ ඉලක්කගත ජල සම්පාදන වැඩපිළිවෙලේ 25% කට ආසන්න ප්‍රමාණයක් ආවරණය කරදෙයි. මීට අමතරව නිවෙස් ආශ්‍රිත ළිං මඟින් ලබාගන්නා ජලය නල ළිං මඟින් සහ කුඩා ජල උල්පත් මඟින් ද අපගේ ග්‍රාමීය ජනතාව පානීය ජල අවශ්‍යතාවය සපුරා ගනී. ඒ අනුව සෞභාග්‍යයේ දැක්මේ සඳහන් 2025 සැමට පානීය ජලය යන සංකල්පය මේ තුලින් යථාර්ථයක් බවට පත් කරගැනීමට හැකි බවට අපට විශ්වාසයක් ඇතැයි ද වාසුදේව නානායක්කාර මහතා මෙහිදී පැවසීය.

පැයෙන් පැයට දොරින් දොරට පානීය ජල සම්බන්ධතා ලබාදීමේ ඉදිරි වැඩසටහන් කෑගල්ල, ගලිගමුව, රත්නපුර, අනුරාධපුර යන ප්‍රදේශයන් හිදී ඉදිරි සති කීපය තුල ආරම්භ කරන බවත් අමාත්‍යතුමා පැවසීය.

ප්‍රාථමික සෞඛ්‍ය හා කෝවිඩ් මර්ධන කටයුතු පිළිබඳ රාජ්‍ය අමාත්‍ය සුදර්ශනී ප්‍රනාන්දු පුල්ලේ මැතිණිය, කටාන ප්‍රාදේශීය සභාවේ සභාපති, ජල සම්පාදන මණ්ඩලයේ සාමාන්‍යාධිකාරී තිලිණ විජේතුංග, නියෝජ්‍ය සාමාන්‍යාධිකාරී එන්.යූ.කේ. රණතුංග, අමාත්‍යතුමාගේ මාධ්‍ය ලේකම් සංජීව ධම්මික මහතා ද මෙම අවස්ථාවට එක්වීය.  

මහේන්ද්‍ර හරිස්චන්ද්‍ර

අධ්‍යක්ෂ (මාධ්‍ය)

ජල සම්පාදන අමාත්‍යාංශය

0716845668

 

 

 

 

Write comment (0 Comments)

පවතින කොවිඩ් වසංගත තත්වය හමුවේ සහ රට වසා දැමීම තුළ ද ජාතික ජල ජලසම්පාදන හා ජලාපවාහන මණ්ඩලයේ නඩත්තු හා සේවා කටයුතු අඛණ්ඩව සිදුකරගෙන යන අතරම නව ජල සම්බන්ධතා ඉල්ලුම් කර ඇති දහස් සංඛ්‍යාත ජනතාවට එම නව ජල සම්බන්ධතා කඩිනමින් ලබා දීමේ වැඩසටහනක් ජල සම්පාදන අමාත්‍ය වාසුදේව නානායක්කාර මහතා හඳුන්වා දී තිබේ.

”පැයෙන් පැයට දොරින් දොරට පානීය ජලය” යන තේමාව යටතේ ආරම්භ කර ඇති මෙම නව වැඩපිළිවෙළ යටතේ මෙතෙක් පානීය ජල සැපයුම නොලද පානීය ජල අවශ්‍යතාවය දැඩිව පවතින ප්‍රදේශයන් හඳුනා ගනිමින් එක් දිනක් තුළ එම ප්‍රදේශයේ නිවෙස් වෙත ගොස් ජල ඉල්ලුම් පත්‍ර සම්පූර්ණ කර ගනිමින් ඇස්තමේන්තු සකස් කර එම අවස්ථාවේදීම මුදල් අයකරගෙන එදිනම නව ජල සැපයුම ලබා දීම මෙම වැඩපිළිවෙළේ අරමුණයි.

මෙය පැය විසි හතරක් තුළ නිවෙස් වෙත ගොස් නව ජල සම්බන්ධතා ලබා දීමේ ජාතික වැඩ පිළිවෙලකි. 2025 සැමට පානීය ජලය ලබාදීමේ සෞභාග්‍යයේ දැක්ම යථාර්ථයක් බවට පත් කිරීමේදී එක් වසරකට නව ජල සම්බන්ධතා ලක්ෂ තුනකට වඩා වැඩි ප්‍රමාණයක් ලබාදීම අත්‍යවශ්‍ය වේ. මේ සඳහා ජල සම්පාදන මණ්ඩලයේ දිවයින පුරා ඉංජිනේරුවන්,කම්කරු සහ සේවක පිරිස් නිසි සැලැස්මකට අනුව සූදානම්ව සිටී. එය බොහෝ දුරට සාක්ෂාත් කර ගැනීමට මේ වෙනවිට හැකියාව ලැබී ඇත. නමුත් පවතින වසංගත තත්වය හමුවේ කම්කරු හා සේවක පිරිස් රෝගාතුර වීම සහ නිරෝධායන වීම තුළ සමහර ප්‍රදේශවල මෙම තත්ත්වයේ යම් ප්‍රමාද වීම් ඇතිවිය හැකි බැවින් මෙම නව වැඩපිළිවෙළ ආරම්භ කළ බව මේ සම්බන්ධයෙන් අදහස් දක්වමින් අමාත්‍ය වාසුදේව නානායක්කාර මහතා පැවසීය.

ජාතික ජලසම්පාදන හා ජල සම්පාදන හා ජලාපවාහන මණ්ඩලයේ නිලධාරීන්, ඉංජිනේරුවන්, සේවක කම්කරු පිරිස් නව තාක්ෂණය සහ සිය දැනුම භාවිතා කරමින් ඉතාමත් කැපවීමෙන් යුක්තව මෙම වැඩපිළිවෙල ක්‍රියාත්මක කිරීම අතිශය ප්‍රසංශනීය කටයුත්තක් බව ජලසම්පාදන අමාත්‍ය තුමා පෙන්වා දුන්නේය.

මේ ජාතික වැඩසටහනේ පළමු අදියර කටාන මැතිවරණ කොට්ඨාසයේ කිඹුලාපිටිය බල ප්‍රදේශයේ පොල්ගාල වත්ත, දෙමංහන්දිය, පත්තෑයන් වත්ත යන ප්‍රදේශයන්හි දී ප්‍රාථමික සෞඛ්‍ය සේවා වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය සුදර්ශණී ප්‍රනාන්දු පුල්ලේ මැතිණියගේ ප්‍රධානත්වයෙන් 2021.09.11 වන දින ආරම්භ කරන ලදී.

මෙදින පොල්ගාල වත්ත, දෙමංහන්දිය, පත්තෑයන් වත්ත ප්‍රදේශයන්හි නව ජල සම්බන්ධතා 100ක් ලබාදීමට කටයුතු කරන ලදී.මෙම වැඩපිළිවෙල ජලසම්පාදන මණ්ඩලයේ ගම්පහ දිස්ත්‍රික් නියෝජ්‍ය සාමාන්‍යාධිකාරී එන්.යූ.කේ.රණතුංග මහතාගේ සහ අමාත්‍යතුමාගේ මාධ්‍ය ලේකම් සංජීව ධම්මික මහතාගේ මෙහෙයවීමෙන් සිදු කෙරේ.

මහේන්ද්‍ර හරිස්චන්ද්‍ර,

මාධ්‍ය අධ්‍යක්ෂ,

ජල සම්පාදන අමාත්‍යාංශය. (0716845668 )

 

   
   
Write comment (0 Comments)